სანაპირო დაცვამ ჰუსიტებისთვის განკუთვნილი იარაღით დატვირთული გემი აღმოაჩინა

არაბეთის ზღვაში, აშშ-ს სანაპირო დაცვამ დაიკავა გემი, რომელსაც გადაჰქონდა დიდი ოდენობის საბრძოლო მასალა. ტვირთი იემენის ჰუსიტების მიერ კონტროლირებადი ტერიტორიისკენ მიემართებოდა და ირანიდან იქნა გამოგზავნილი.

USCGC Clarence Sutphin Jr. - სენტინელის კლასის სწრაფი რეაგირების ნავი, გაგზავნილი იყო ბაჰრეინის ქალაქ მანამაში და 28 იანვარს აშშ-ს ცენტრალური სარდლობის (CENTCOM) იურისდიქციის ქვეშ გააჩერა საბრძოლო მასალით აღჭურვილი ხომალდი.

საგამოძიებო ჯგუფმა მტკიცებულებად საბრძოლო შეიარაღების 200-ზე მეტი შეფუთვა ამოიღო. მათში შედიოდა უპილოტო წყალქვეშა ტრანსპორტი (UUV) და ზედაპირული ნავები (USV), ასაფეთქებელი ნივთიერებები, ტანკსაწინააღმდეგო მართვადი რაკეტების გამშვები დანადგარები, სამხედრო კლასის საკომუნიკაციო და ქსელური აღჭურვილობა და საშუალო მანძილის ბალისტიკური რაკეტების ნაწილები.

"ეს არის კიდევ ერთი მაგალითი ირანის მავნე აქტივობისა რეგიონში... მათ მიერ ჰუსიტების უწყვეტად შეიარაღებით აღჭურვა პირდაპირ არღვევს საერთაშორისო კანონმდებლობას და ძირს უთხრის საერთაშორისო გადაზიდვების უსაფრთხოებას და თავისუფალ ვაჭრობას." განაცხადა გენერალმა მაიკლ ერიკ კურილამ, CENTCOM-ის მეთაურმა.

წყარო: MSN