ზოგადი
- რა არის CASE-ი ?
- უსაფრთხოების ექპერტთა კავკასიის აკადემია არის ერთადერთი საგანმანათლებლოდა კვლევითი დაწესებულება კავკასიის რეგიონში, რომელიც ამზადებსუს აფრთხოების სპეციალისტებს შემდეგი კომპეტენციით: ინფორმაციიული უსაფრთხოება, დაზვერვა, ანტიტერორიზმი, გლობალური უსაფრთხოება, ეროვნული უსაფრთხოება, კორპორაციული უსაფრთხოება და სხვა.აკადემია დაფუძნებულია ინფორმაციული უსაფრთხოების კვლევებისა და ანალიზისცენტრის (ISSAC) მიერ.სრული ინფორმაცია აკადემიის შესახებ შეგიძლიათ იხილოთ ჩვენს ვებ-გვერდზე მენიუდან აკადემია >კომპეტენცია.
- სად არის შესაძლებელი კურსების გავლა ?
- სასწავლო ბაზა მდებარეობს, თბილისში, პეკინის 30-ში, თუმცა გარკვეული ტრენინგები და ღონისძიებები რიგ შემთხვევებში იმართება საქართველოს სხვა ქალაქებშიც. ასეთი ღონისძიებებისა და ლოკაციის შესახებ ინფორმაცია წინასწარ ქვეყნდება შესაბამის გვერდზე. ონლაინ სწავლებები ხელმისაწვდომია ნებისმიერი ლოკაციიდან.
- ონლაინ თუ ატარებთ ?
- CASE-ის ძირითადი სასწავლო კურსები, მათი სპეციფიკიდან გამომდინარე, ტარდება მხოლოდ რეალურ გარემოში.
მიღების წესი
- რა მოთხოვნებია აკადემიაში მისაღებად ?
- აკადემიაში მოსახვედრად სტუდენტი აუცილებელია იყოს სრულწლოვანი, სხვა ასაკობრივი შეზღუდვა აკადემიას ამ მიმართულებით არ გააჩნია. მოთხოვნები თითოეული სასწავლო პროგრამისთვის ინდივიდუალურია. განსაკუთრებული მოთხოვნები კონკრეტულ უნარებსა და ცოდნაში ეხება მხოლოდ რამოდენიმე სპეციფიკურ პროგრამას და საკვალიფიკაციო ტრენინგებს. ასეთი მოთხოვნების არსებობის შემთხვევაში მიღების პროცედურა მოითხოვს გასაუბრებას. გასაუბრების კრიტერიუმები და პრინციპები აკადემიის შიდა სამსახურეობრივი ინფორმაციაა და არ ექვემდებარება გასაჯაროებას. თუ რომელიმე კურსი მოითხოვს ისეთ პარამეტრს, როგორიც არის უცხო ენის ცოდნა, კომპიუტერული ან სხვა დისციპლინის გარკვეულ დონეზე ფლობა, ამის შესახებ სრული ინფორმაცია ქვეყნდება შესაბამისი სასწავლო პროგრამის გვერდზე.
- როგორ შეიძლება ჩავირიცხო აკადემიაში ?
- აკადემიის საგანმანათლებლო პროგრამები რამდენიმე კატეგორიად იყოფა: სადიპლომო კურსი; საკვალიფიკაციო ტრენინგები; სეზონური სკოლები და სხვადასხვა სემინარები. თითოეულ მათგანზე მიღება ცხადდება წინასწარ, ისე რომ დაინტერესებულ პირს საკმარისი დრო აქვს სრული ინფორმაციის მისაღებად. კურსზე მოხვედრის პირველი ეტაპი რეგისტრაციაა, რომელიც ხორციელდება სპეციალური დაცული გვერდიდან. მისი ბმული მითითებულია შესაბამისი განცხადების ტექსტში. რეგისტრაციის შემდეგ კი მიღების პროცედურები განსხვავდება ყველა კურსისთვის, თითოეული პროგრამის მოთხოვნების შესაბამისად.
- ასაკობრივი შეზღუდვა
- აკადემიის სხვადასხვა კურსებზე მოქმედებს სხვადასხვაგვარი ასაკობრივი შეზღუდვები. კურსები, რომლებიც მოითხოვს ფიზიკური დატვირთვას (მაგ. ორთაბრძოლა) შეზღუდულია ზედა ასაკობრივი ზღვარით. თითქმის ყველა კურსზე მოქმედებს მინიმალური ასაკობრივი ზღვარი 21 წლიდან. თუმცა არსებობს გამონაკლისი კურსები, რომლებიც უშუალოდ 21 წლამდე პირებისთვის არის წარმოდგენილი. სრული ინფორმაცია ასაკობრივ და მიღების სხვა კრიტერიუმების შესახებ შეგიძლიათ იხილოთ სასურველი კურსის გვერდზე, მენიუდან კურსები და ტრენინგები.
სერტიფიცირება/დასაქმება
- რას ნიშნავს ოქროს სერტიფიკატი
- გამოცდებისა და შეფასების პროცედურების შედეგების მიხედვით გაიცემა ორისახის სერთიფიკატი: სერთიფიკატი- "მოისმინა" და "გოლდ" სერტიფიკატი -"გოლდ" სერთიფიკატი ავტომატურად გულისხმობს რეკომენდაციას.
- როგორია სერტიფიცირების კრიტერიუმები ?
- აკადემიის თითოეულ სასწავლო პროგრამაზე მოქმედებს ინდივიდუალური საგამოცდო პროცედურები, რომლის შესახებაც სტუდენტებს წინასწარ არ ეცნობებათ. აკადემიის სპეციალური სასწავლო მეთოდოლოგიის მიხედვით თითოეული საგამოცდო პროცედურა სტუდენტებისგან დამოუკიდებლად იგეგმება. თუმცა ტესტირებისა და სხვა საგამოცდო პროცედურების გარდა, როგორიცშეიძლება იყოს კვლევითი პროექტების მომზადება, სტუდენტების შეფასებას ასევე განსაზღვრვავს აქტივობა, დასწრება და ინსტრუქტორების მიერ მათი პირადი შეფასება.
- დასაქმება CASE-ის კურსების გავლის შემდეგ
- CASE-ში უნიკალური ცოდნისა და ახალი პროფესიული უნარების შეძენის გარდა ჩვენი თითოეული კურსანტი იძენს ღირებულ კავშირებს და კარიერული განვითარების ახალ პერსპექტივებს. ამისათვის კარიერული ხელშეწყობის პროგრამის ფარგლებში CASE კურსანტებს სხვადასხვა შესაძლებლობებს სთავაზობს მათი პროფესიული და პერსონალური განვითარების შესაბამისად. უფრო ვრცლად კარიერული ხელშეწყობის პროგრამის შესახებ შეიტყვეთ ბმულზე - https://globalcase.org/ge/page/careers
გადახდები
- სწავლის საფასურის გადახდის პირობები
- აკადემიის თითოეულ სასწავლო პროგრამას გააჩნია გადახდის ინდივიდუალური პირობები. რიგ კურსებზე გადახდა ხორციელდება მხოლოდ თანხის ერთიანი გადახდით სწავლის დაწყებამდე. თუმცა ზოგიერთ კურსზე, რომელიც მეტი ხანგრძლივობით გამოირჩევა მოქმედებს ყოველვთიური გადახდის სისტემა, ანუ თანხა ნაწილდება პროპორციულად სხვადასხვა მოდულის მიმდინარეობისას. აკადემიის ყველა სასწავლო პროგრამაზე მიუხედავად საფასურის გადანაწილების ოფციისა ან გადახდის პირობებისა მოქმედებს საბანკო განვადება. აღნიშნული პროცედურა მარტივია და ნებისმიერ დაინტერესებულ პირს შეუძლია მიიღოს საბანკო განვადება 3 თვიდან 2 წლამდე ვადით. ასეთ შემთხვევაში ფინანსურ პირობებს განსაზღვრვავს შესაბამისი პარტნიორი ბანკი.
- როგორ მოქმედებს საბანკო უპროცენტო განვადება ?
- სასურველ კურსზე რეგისტრაციის შემდეგ თქვენ უნდა მოითხოვოთ უპროცენტო საბანკო განვადების ინვოისი. მიღებული ფაილი ამობეჭდილი სახით უნდა წარადგინოთ თიბისი ბანკის ნებისმიერ ფილიალში და 15 წუთიანი პროცედურის შემდეგ ბანკი თავად განსაზღვრვავს განვადების დამტკიცების საკითხს. განვადება უპროცენტოა, შესაბამისად თქვენ არ იხდით საკომისიოს ან რაიმე სხვა სახის გადასახადს თუ სრულად დაგიმიტკიცდათ განვადება. საკომისიო გადასახადი შესაძლოა დაემატოს მხოლოდ იმ კურსებს, რომლებიც დაბალ საფასო კატეგორიაშია ან თავსდება ფასდაკლების აქციით. განვადების დოკუმენტი არ მოითხოვს ბეჭედს ან ხელმოწერას აკადემიის მხრიდან და გაიცემა ელექტრონულად. იმ შემთხვევაში თუ რაიმე მიზეზის გამო ვერ დაგიმტკიცდათ განვადება, თქვენ ასევე შეგიძლიათ განვადება გააკეთებინოთ ოჯახის წევრს ან მეგობარს თუმცა იმ აუცილებელი პირობით, რომ გადახდის დანიშნულებაში ფილიალის ოპერატორს უნდა მიათითებინოთ თქვენი სახელი და პირადი ნომერი. გადახდის დანიშნულება უნდა გამოიყურებოდეს ასე: სახელი, გვარი, პირადი ნომერი, კურსის დასახელება.
- რა შემთხვევაში ხდება თანხის უკან დაბრუნება ?
- თუ კურსზე რეგისტრირებულ პირს გადახდილი აქვს კურსის სრული ღირებულება ან სარგებლობს განვადებით, ხოლო კურსი ვერ შედგა, კომპანია აბრუნებს გადახდილ ან განვადების თანხას სრულად, ბანკის საკომისიოს ჩათვლით. ასევე, იმ შემთხვევაში, თუ შეიცვალა კურსის დაწყების თარიღი, კომპანია ვალდებულებას იღებს გააფრთხილოს ყველა რეგისტრირებული მსურველი და თუ კურსანტისთვის მიუღებელია დაწყების ახალი თარიღი, გადახდილი თანხა უკან დაუბრუნდება.
კორპორატიული კლიენტებისთვის
- გაქვთ თუ არა კორპორატიული ტრენინგები ?
- CASE-ის ძირითადი კურსები ხელმისაწვდომია როგორც ფიზიკური პირებისთვის, ისე ორგანიზაციებისთვის. გარკვეული კურსები შექმნილია უშუალოდ კომპანიებისთვის და მოცემულია ვებ-გვერდის შესაბამის კატალოგში. კომპანიებს შეუძლიათ დააფინანსონ საკუთარი თანამშრომლების სწავლება სხვადასხვა კურსებზე მონაწილეობისთვის. გარდა ვებ-გვერდზე განთავსებული ინფორმაციისა CASE ასევე ახორციელებს უშუალოდ ორგანიზაციის სპეციფიკაზე მორგებულ ტრენინგებს. CASE-ს გააჩნნია 12 ძირითადი სასწავლო მიმართულება (SD) და მათი განხორციელების 82 კონფიგურაცია.