რას ველით თქვენგან

ჩვენ ვიწვევთ ღირსეულ ადამიანებს, რომლებსაც აქვთ ამბიცია და შესწევთ უნარი გახდნენ უსაფრთხოების სპეციალისტები. ჩვენ მზად ვართ ვითანამშრომლოთ მათთან, ვისთვისაც კანონიერება, პატრიოტიზმი, ქვეყნის უსაფრთხოება და ხალხის კეთილდღეობა უმთავრესი ფასეულობაა. ჩვენ მივესალმებით ახალ ინიციატივებს, ღირებულ იდეებს, ეთიკას და პროფესიონალიზმს. ჩვენ ვემსახურებით ქვეყნის ინტერესებს, ამიტომაც თითოეული ჩვენგანისათვის გამბედაობა, სიმტკიცე, შეუპოვრობა და დისციპლინა, ხასიათის აუცილებელი თვისება უნდა იყოს.

თუ თქვენ მზად ხართ ჩაერთოთ აღნიშნულ სფეროში, არ გეშინიათ სირთულეების, გაგაჩნიათ სათანადო განათლება, პროფესიონალური უნარები და გამოცდილება, ჯეროვნად აცნობიერებთ თქვენი გადაწყვეტილების მნიშვნელობას და მიგაჩნიათ რომ თქვენი ადგილი არის უსაფრთხოების ექსპერტთა კავკასიის აკადემიაში თქვენ აუცილებლად დაიმკვიდრებთ თავს CASE-ის გუნდში.

ახალი კარიერული პერსპექტივები

კარიერა CASE-ში იძლევა პროფესიული უნარებისა და პოტენციალის გაღრმავების უპრეცენდენტო საშუალებას. მუდმივი კვლევითი და საგანმანათლებლო პროცესები, პროფესიული ნეთვორქინგი და ინოვაციური პროექტები მუდმივი ზრდის უპირობო გარანტიაა. აკადემიის გუნდში ხვდებიან გამორჩეული კურსანტები, რომლებიც თავს გამოიჩენენ უსაფრთხოების სხვადასხვა კურსებზე. ასევე ის ადამიანები, რომლებიც მუშაობენ უსაფრთხოების საკითხებზე დამოუკიდებლად ან აქვთ სურვილი საკუთარი კარიერა ამ სფეროს დაუთმონ. ასეთ შემთხვევებში CASE-ი სთავაზობს მათ თანამშრომლობას: სტაჟირების, აკადემიური პერსონალის, ადმინისტრაციული, საორგანიზაციო, სამეცნიერო-კვლევითი და ტექნიკური მიმართულებებით.