უკრაინისთვის მებრძოლმა რუსი მოხალისეები: ბელგოროდის აღებული სოფელი და 25 ტყვე

მოხალისეებმა განაცხადეს რომ დაიკავეს გორკოვსკის დასახლებას ბელგოროდის რაიონში. ციმბირის ბატალიონი საკუთარ ტელეგრამის არხზე იუწყება, რომ მებრძოლებმა ადგილობრივი ადმინისტრაციის შენობა აიღეს.

გორკოვსკი უკრაინის საზღვართან ახლომდებარე დასახლებაა, რუსეთის ფედერაციის ბელგოროდის რეგიონის გრეივორონის მუნიციპალიტეტში.

რუს მოხალისეთა კორპუსის ტელეგრამის არხზე გამოქვეყნებული ვიდეოთი, მებრძოლებმა განაცხადეს რომ ბელგოროდისა და კურსკის ოლქებში რეიდების დროს ტყვედ აიყვანეს 25 რუსი ჯარისკაცი.

ციმბირის ბატალიონთან და რუსეთის თავისუფლების ლეგიონთან ერთად, რუსეთის მოხალისეთა კორპუსმა 12 მარტს გაარღვია რუსეთის საზღვარი და ხელში ჩაიგდო რამდენიმე დასახლება, მათ შორის კურსკისა და ბელგოროდის რაიონებში.

ტყვედ ჩავარდნილი რუსი ჯარისკაცების ახალი პარტიის სახეები ვიდეოზე დაფარულია, რუს მოხალისეთა კორპუსის მეთაური დენის ნიკიტინი კი ერთ-ერთ პატიმარს უფროსი ლეიტენანტის წოდებით ვიდეოში გაესაუბრა.

"სამხედრო ოპერაცია ბელგოროდისა და კურსკის ოლქებში გრძელდება და აქ არის მტკიცებულებაც - ტყვეთა ახალი პარტია რუსეთის შეიარაღებული ძალებიდან." - ნათქვამია განცხადებაში.

გარდა ამისა, რუს მოხალისეთა კორპუსმა შეხვედრაზე მიიწვია ბელგოროდის ოლქის გუბერნატორი, ვიაჩესლავ გლადკოვი. 

შეტაკებების ფონზე რუსეთის ფედერაციამ დაადასტურა შეიარაღებული ძალების დანაკარგი.