რუსულმა ბომბდამშენებმა ალასკას მახლობლად განახორციელეს ფრენები

სამშაბათს ჩრდილოეთ ამერიკის საჰაერო კოსმოსური თავდაცვის სარდლობამ გამოაცხადა რომ ალასკას სიახლოვეს ოთხი რუსული სამხედრო თვითმფრინავი იქნა შენნიშნული. ალასკას საჰაერო თავდაცვის საიდენტიფიკაციო ზონა (ADIZ), რომელიც შეერთებული შტატების სანაპიროდან დაახლოებით 150 მილის მოშორებით სამონიტორინგო ტერიტორიაა იძლევა დამატებითი რეაგირების დროს შესაძლო მტრული მოქმედების შემთხვევაში სამხედრო თვითმფრინავებისგან.

მომდევნო დღეს, ნატოს პარტნიორ პოლონეთს F-16 მოიერიშე თვითმფრინავების აფრენა მოუწია როდესაც რუსული რაკეტა მის საზღვარს 50 კილომეტრის მანძილზე მიუახლოვდა. პოლონეთის ვიცე-პრემიერმა განაცხადა, რომ მსგავსი ინციდენტები ხშირდება.

რუსეთმა დაადასტურა, რომ მისმა ორმა Tu-95 ბომბდამშენმა გადაუფრინა ალასკის მახლობლად სივრცეს. რუსეთის თავდაცვის სამინისტრო იტყობინება, რომ Tu-95-ებმა თითქმის ცხრა საათის განმავლობაში იფრინეს SU-30SM გამანადგურებლების თანხლებით.

"რუსეთის თვითმფრინავები დარჩნენ საერთაშორისო საჰაერო სივრცის ფარგლებში და არ შევიდა ამერიკის ან კანადის სუვერენულ საჰაერო სივრცეში. რუსეთის ეს აქტივობა ალიასკას ADIZ-ში რეგულარულად ხდება და არ მიიჩნევა როგორც საფრთხე." - განაცხადა NORAD-მა.

მიუხედავად იმისა, რომ ფრენიდან გამომდინარე საფრთხე არ არსებობდა, ბოლო დროს რეგიონში სამხედრო ოპერაციებმა მედიის ყურადღება მიიპყრო - განსაკუთრებით მას შემდეგ, რაც აშშ-ს საზღვაო ძალებმა გამანადგურებლები გაგზავნა ალასკას სანაპიროზე აგვისტოში, როდესაც 11 რუსული და ჩინური ხომალდი იქნა შემჩნეული ალასკას მახლობელ საერთაშორისო წყლებში. ალასკელმა რესპუბლიკელმა სენატორმა დენ სალივანმა ამ ერთობლივ ოპერაციის მასშტაბებს "უპრეცედენტო" უწოდა.

წყარო: CBS News