ავდიივკას ევაკუაციის დროს, რუსებმა 7 უიარაღო უკრაინელი ტყვე მოკლეს

რუსეთმა დიდი დანაკარგები განიცადა ავდიივკას ბრძოლაში ტალღოვანი შეტევებით უკრაინის ხაზების გარღვევაში. თუმცა, უკრაინელებს ქალაქიდან გასვლა საბოლოოდ საბრძოლო მასალისა და ტყვიაწამლის დეფიციტის გამო მოუწიათ.

უკრაინის შეიარაღებული ძალების ახლად დანიშნულმა უფროსმა ალექსანდრე სირსკიმ აღიარა, რომ მან უბრძანა ჯარს დაეტოვებინათ განადგურებული ქალაქი შაბათს, რათა მეტი მსხვერპლი თავიდან ყოფილიყო აცილებული

აღმოსავლეთის ქალაქ ავდიივკას დაკავების შემდეგ, რუსულმა ძალებმა რვა უიარაღო სამხედრო ტყვე მოკლეს, საქმეს უკრაინის უშიშროების სამსახური იძიებს.

გავრცელებული ინფორმაციით, კიდევ ორი უკრაინელი ჯარისკაცი დახვრიტეს ახლომდებარე სოფელ ვესელეში, ხოლო ექვსი უიარაღო სამხედრო მოსამსახურე, რომლებიც ევაკუაციას ელოდნენ - ავდიივკაში მოკლეს.

ერთ-ერთი დაღუპული სნაიპერის ოჯახის თქმით, რუსი ჯარისკაცები შენობაში მაშინ შეიჭრნენ, როდესაც უკრაინელი ჯარისკაცი გეორგი პავლოვი ოჯახთან ვიდეოზარით საუბრობდა, რუსებმა შეიპყრეს და ტელეფონის გაათიშინეს.

მიუხედავად იმისა, რომ ევაკუაცია შაბათს მთავარსარდალმა სირსკიმ ბრძანა, პავლოვის მსგავსი ჯარისკაცებისთვის, ალყაში მოქცეული ქალაქიდან გაქცევა უკვე გვიანი იყო.

წყარო: The Independent