სომხეთი ოდკბ-ს წევრობის სტატუსს იჩერებს და ხელს აწერს საფრანგეთთან კონტრაქტს

სომხეთმა შეაჩერა მონაწილეობა კოლექტიური უსაფრთხოების ხელშეკრულების ორგანიზაციაში. პრემიერ-მინისტრის ნიკოლ ფაშინიანის თქმით, ყოფილი საბჭოთა ქვეყნების კლუბმა "არ შეასრულა თავისი ვალდებულებები სომხეთის მიმართ უსაფრთხოების შესახებ".

"ეს კი შედეგების გარეშე არ ჩაივლიდა. და შედეგი ის არის, რომ პრაქტიკაში ჩვენ ძირითადად გავყინეთ ჩვენი მონაწილეობა ოდკბ-ში." - თქვა ფაშინიანმა და გააკრიტიკა მოსკოვი, რადგან არ ჩაერთო ალიანსის არაწევრ აზერბაიჯანთან არსებული დავის მოსაგვარებლად.

თავის გამონათქვამში ფაშინიანმა განაცხადა, რომ აზერბაიჯანის პრეზიდენტის ილჰამ ალიევის განცხადებები, რომელიც სომხების მიერ აღქმული იქნა როგორც სომხური მიწის მნიშვნელოვან ნაწილზე პრეტენზია ზიანი მიაყენა გრძელვადიანი სამშვიდობო ურთიერთობის პერსპექტივებს.

იმის გამო რომ ერევანი მოსკოვზე დამოკიდებულების შემცირებას ცდილობს, საფრანგეთი საკუთარ თავზე იღებს მოამზადოს სომეხი სამხედრო ოფიცრები და მიყიდოს ქვეყანას თანამედროვე შეიარაღება, როგორც ორი ქვეყნის თავდაცვის მინისტრები იუწყებიან.

სომხეთის თავდაცვის მინისტრმა, სურენ პაპიკიანმა და მისმა ფრანგმა კოლეგამ, სებასტიან ლეკორნუმ ერევანში გამართულ პრესკონფერენციაზე განაცხადეს, რომ მათმა ქვეყანამ გააფორმა შეთანხმება იარაღის შეძენის შესახებ ფრანგული კომპანია PGM-ისგან.

მას შემდეგ, რაც ბოლო წლებში აზერბაიჯანთან კონფლიქტი მძვინვარებს, სომხეთი ცდილობს საკუთარი თავდაცვის ძალების მოდერნიზებას.

წყარო: France24