დღეს, უსაფრთხოების ექსპერტთა კავკასიის აკადემიამ ივ. ჯავახიშვილის თბილისის სახელმწიფო უნივერსიტეტში იურისტებისთვის საჯარო ლექცია გამართა კიბერ უსაფრთხოების შესახებ. ლექციას უძღვებოდა აკადემიის დამფუძნებელი და დირექტორი, ინსტრუქტორი კიბერ უსაფრთხოებისა და ეროვნული უსაფრთხოების საკითხებში ლაშა პატარაია. ღონისძიება საკმაოდ ინტენსიური იყო კითხვებისა და დისკუსიის ნაწილში. მონაწილეებმა აქცენტი გააკეთეს კარიერულ დაგეგმარებაზე და ასევე ღონისძიების თემატიკიდან გამომდინარე მნიშვნელოვანი როლი ეკავა საქართველოს წინაშე მდგარ კიბერ საფრთხეებს.