როდესაც იძინებთ თქვენ არ ეუბნებით თქვენს სხეულს, რომ ისუნთქოს ან შეინარჩუნოს გულის ცემა. ეს ყოველივე ხდება ავტომატურად. სხეულის ენის შესწავლისას ვაკვირდებით ყველა სიგნალს, წითელ დროშას, უფრო კონკრეტულად კი იმას თუ თუ როგორ რეაგირებს სხეული ტყუილზე. როგორ გამოიყურება და როგორ იქცევა ადამიანი ტყუილის დროს.
როდესაც ადამიანი იტყუება მისი კოგნიტური პროცესო გადატვირთულია და უამრავ რამეზე ფიქრობს:
ის ფიქრობს რეალურ ისტორიაზე, გამოგონილ ამბავზე, რომელიც უნდა მოგიყვეთ, თხრობაზე და მის მანერაზე, დარწმუნებაზე, რომ იჯერებთ ნათქვამს და უამრავ სხვა რამეზე. როდესაც ტვინი ასე გადატვირთულია, მას ავიწყდება სხეულის ენის კონტროლი და ფიქრობს სიტყვებზე, შინაარსზე, ყოველივე ზემოთ აღნიშნულზე და სწორედ ამ დროს შეიძლება გაიპაროს ფეხების ან ხელების მოძრაობა და სხვადასხვა ვერბალური თუ არავერბალური სიგნალები.
ამიტომ, ყველაზე მნიშვნელოვანი ისევ ბეიზლაინინგია. ანუ, პიროვნების ბუნებრივი მდგომარეობის დაფიქსირება, რაზეც მოხდება თქვენი დაკვირვების აგება ცვლილელებთან მიმართებაში. გამომდინარე იქიდან, რომ ჩვენი კომუნიკაციის 86% სხეულის ენით ხდება, არავერბალური ნიშნები ერთ-ერთი უმთავრესი მიმართულებაა სიცრუის ამოცნობაში.
სიცრუის თეორიის შესწავლისას ძალიან სასარგებლოა სხვადასხვა საარჩევნო კამპანიების ანალიზი. ეს ის შემთხვევაა, როდესაც საქმე გვაქვს არა მხოლოდ ერთ კონკრეტულ პიროვნებასთან თავისი ბუნებრივი მოცემულობით, არამედ სხვადასხვა ქოუჩებისა და კონსულტანტების გუნდთან, რომლებიც ცდილობენ კონკრეტული კანდიდატი ისე მოამზადონ, რომ დამალონ სიმართლე, წარმოაჩინონ „მისაღები“ იმიჯი და აიძულონ კანდიდატს გააკონტროლოს მისი ვერბალური და არავერბალური ნიშნები, ისევე როგორც კონტენტი და მთელი შოუ, რომელიც ძალიან საინტერესოა სიცრუის თეორიის კონტექსტში.
ავტორი: ლაშა პატარაია
გსურთ შეისწავლოთ წარმატებული მოლაპარაკებების ტექნიკები და ტყუილის ამოცნობა?
დაეუფლე სტრატეგიებს, მეთოდებსა და საშუალებებს, რომლებსაც დაზვერვისა და ეროვნული უსაფრთხოების სფეროში იყენებენ, რათა შეძლო ადამიანების წაკითხვა, ტყუილის ამოცნობა და მათი დარწმუნება!
ეწვიე ლინკს და გაიგე მეტი კურსის შესახებ: https://www.globalcase.org/ge/courses/negotiations/