პრო-რუსი სეპარატისტები მოლდოვის რეგიონ დნესტრისპირეთში დახმარებისთვის რუსეთს მიმართავენ

დნესტრისპირეთის არაღიარებული სახელმწიფოს სეპარატისტებმა შუამდგომლობით მიმართეს რუსეთს მოლდოვისგან დაცვის თხოვნით. ისინი აცხადებენ, რომ მოლდოვამ მათ წინააღმდეგ დაიწყო "ეკონომიკური ომი", თავიდან აიცილა აუცილებელი რესურსების იმპორტი და დნესტრისპირეთი "გეტოდ" აქცია.

ამის საპასუხოდ, რუსეთის ხელისუფლებამ განაცხადა, რომ მცირე რეგიონის დაცვა, რომელიც მსოფლიოში აღიარებულია როგორც მოლდოვის ნაწილი, მათი ერთ-ერთი "პრიორიტეტია".

პრო-რუსი სეპარატისტები დნესტრისპირეთს აკონტროლებენ მის მერე, რაც ის საბჭოთა კავშირის დაშლის ფონზე გამოეყო მოლდოვას. 1992 წელს მოლდოვასა და დნესტრისპირეთს შორის დაიწყო ომი, სადაც დაახლოებით ათასი ადამიანი დაიღუპა. კონფლიქტში რუსეთი სეპარატისტების მხარეს ჩაერთო.

დაძაბულობა სეპარატისტულ რეგიონში, რომელიც 220 ათას რუს მოსახლეს ითვლის, გაიზარდა 2022 წელს რუსეთის სრულმასშტაბიანი შეჭრის დროს უკრაინაში.

რუსეთის მიერ სეპარატისტული ტერიტორიის გააქტიურების საფრთხემ უკრაინაში ახალი სამხრეთ-დასავლეთის ფრონტის გასახსნელად ქალაქ ოდესას ირგვლივ მოლდოვას შეშფოთება გამოიწვია.

„ევროპაში რუსეთის მზარდი აგრესიული როლის გათვალისწინებით, ჩვენ ყურადღებით ვადევნებთ თვალს რუსეთის ქმედებებს დნესტრისპირეთში.“- აცხადებს აშშ-ს სახელმწიფო დეპარტამენტის სპიკერი მეთიუ მილერი

წყარო: The Guardian