თათია მოსიძე

საერთაშორისო ურთიერთობების მაგისტრი, პროფესიისთ ევროპისმცოდნე და დოქტორანტი. თათია მოსიძეს გააჩნია მრავაწლიანი პრაქტიკული გამოცდილება ქვეყნის უსაფრთხოების სხვადასხვა სექტორებში. მათ შორის თავდაცვის სამინისტროში. ამჟამად მოღვაწეობს საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს ინფორმაციული ტექნოლოგიების სააგენტოს პოლიტიკისა და სტრატეგიული განვითარების დეპარტამენტის უფროსის მოადგილის პოზიციაზე.
CASE-ში თათია 2015 წლიდან უძღვება ანტიტერორიზმის მიმართულებას, ატარებს კვლევებსა და ეწევა ანალიზს საერთაშორისო უსაფრთხოების საკითხებზე. CASE აკადემიაში, თათია არის მოქმედი ინსტრუქტორი და SD8 (ანტიტერორიზმის) სპეც. დისციპლინის ხელმძღვანელი.
ქვეყნის სახელმწიფო, სამოქალაქო და აკადემიურ სექტორებში მიღებული მრავალფეროვანი გამოცდილება მას განსაკუთრებულ უპირატესობას აძლევს როგორც კვლევითი, ისე საგანმანათლებლო მიმართულებებით. მისი განათლება მოიცავს ესტონეთსა და მსოფლიოს სხვა წამყვანი ქვეყნების ინსტიტუტებს, სადაც გავლილი აქვს როგორც სპეციალური მოსამზადებელი და სასერტიფიკატო, ისე აკადემიური კურსები. აკადემიური საქმიანობის ფარგლებში თათია ასევე არის კავკასიის უნივერსიტეტის მიწვეული ლექტორი. გარდა ამისა აქვს რამდენიმეწლიანი გამოცდილება საერთაშორისო უსაფრთხოების კვლევების მიმართულებით. არის არაერთი პუბლიკაციის ავტორი უსაფრთხოების სხვადასხვა დომენში. მიღებული აქვს მონაწილეობა ათეულობით რეგიონალურ და საერთაშორისო კონფერენციებში, სადაც წარმოადგენდა საქართველოს უსაფრთხოების სხვადასხვა მიმართულებით. მისი ინტერესის სფეროები: კიბერ ჰუმანიტარული ინტერვენციები როგორც საერთაშორისო ურთიერთოებებისა და კონფლიქტების დარეგულირების ინსტრუმენტი, ანტიტეროზმი და კიბერ უსაფრთხოება. ასევე აქტიურად მუშაობს ქვეყნის საჯარო სექტროში ციფრული ჯანდაცვის განვითარებაზე.