ნინო ნიქაბაძე

ნინო ნიქაბაძე CASE-ში ხელმძღვანელობს ინფორმაციული უსაფრთხოებისა და პერსონალურ მონაცემთა დაცვის პროგრამებს, სადაც იგი ასევე წარმოდგენილია როგორც კურსების ინსტრუქტორი და ანალიტიკოსი. ნინო ასევე მოღვაწეობს ნავთობისა და ბუნებრივი აირის მიმართულებით მსოფლიოში ერთ-ერთ უმსხვილეს კომპანიაში - BP Georgia - ინფორმაციული უსაფრთხოების სპეციალისტად. განათლებით სამართალმცოდნე და წამყვანი საერთაშორისო სერტიფიკაციების მქონე პროფესიონალი ინფორმაციული უსაფრთხოებისა და პერსონალური მონაცემების მიმართულებით. ნინო 2017 წლიდან აქტიურად იღებდა მონაწილეობას ქვეყნის სახელმწიფო სექტორში ინფორმაციული უსაფრთხოების მიმართულებით შექმნილი სამუშაო ჯგუფების საქმიანობაში. 2007-2022 წლებში მუშაობდა სხვადასხვა სამინისტროში სამართლებრივი მრჩევლის/იურისტის პოზიციაზე. საქართველოს იუსტიციის სამინისტროს სსიპ - ციფრული მმართველობის სააგენტოში მუშაობის პერიოდში ნინო აქტიურად იღებდა მონაწილეობას ამ მიმართულებით საკანონმდებლო ცვლილებების პროექტების მომზადებაში. 2022-2023 წლებში იკავებდა საქართველოს ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის სამინისტროს სსიპ - ინფორმაციული ტექნოლოგიების სააგენტოს ინფორმაციული უსაფრთხოების მენეჯერის პოზიციას. აღნიშნულ პერიოდში ნინოს მოუწია ჯანდაცვის სფეროში ინფორმაციული ტექნოლოგიების მიმართულებით განხორციელებულ პროექტებში ინფორმაციული და კიბერუსაფრთხოების პოლიტიკების ჩამოყალიბება/დანერგვის მიმართულებით აქტიური მუშაობა. ნინო სერტიფიცირებულია: ISO/IEC 27001-ის მიმართულებით ინფორმაციული უსაფრთხოების მართვის სისტემებში (ISMS) წამყვანი აუდიტორის კვალიფიკაციით ბრიტანეთის სტანდარტების ინსტიტუტის (BSI) მიერ, ასევე ფლობს CISM და CISA-ს საერთაშორისო სერტიფიკატებს ინფორმაციული უსაფრთხოების მენეჯერისა და აუდიტორის კვალიფიკაციით.