პირველადი დახმარების ტრენინგი

CASE-ის ჯანმრთელობისა და შრომის უსაფრთხოების საბჭო წარმოგიდგენთ პირველადი სამედიცინო დახმარების სრულ ტრენინგს ორგანიზაციებისთვის. აღნიშნული ტრენინგი აუცილებელი და რიგ შემთხვევებში სავალდებულოა ორგანიზაციებისთვის. ორგანიზაციები, რომელთა თანამშრომლები მუშაობენ სხვადასხვა რისკ გარემოში, სხვადასხვა კომპანიები, რომელთა ბიზნეს სპეციფიკა ითვალისწინებს საშუალოზე მეტი რაოდენობის ადამიანების მომსახურებას წარმოადგენენ მიზნობრივ ჯგუფს ამგვარი ტრენინგებისათვის. თქვენს თანამშრომლებს მოამზადებენ მრავალწლიანი გამოცდილების მქონე პროფესიონალი ინსტრუქტორები, ხოლო ტრენინგის წარმატებით გავლის შემდეგ მათ გადასცემენ "Golden Seal" სტანდარტის სერთიფიკატებს. კადემიის ტრენინგებით და კონსალტინგით უკვე შვიდი წელია წარმატებით სარგებლობენ წამყვანი ადგილობრივი და საერთაშორისო კომპანიები.

დაგვიკავშირდით

სახანძრო უსაფრთხოების ტრენინგი

ზოგადი აღწერა

ტრენინგი მიზნად ისახავს პირველადი გადაუდებელი სამედიცინო დახმარების გაწევას პრე-ჰოსპიტალურ ეტაპზე. ანუ სანამ დაზარალებულს კვალიფიციური მედპერსონალი აღმოუჩენს დახმარებას, ხოლო ამგვარი სახით დაზარალებული ყველა პირობებში შეიძლება შეგხვდეს: სახლში, ქუჩაში, სამსახურში, საზოგადოებრივი თავშეყრის ადგილებში და მითუმეტეს კორპორაციულ გარემოში თუ საწარმოო ობიექტებზე. მომზადებული პერსონალი კი აზღვევს ადამიანების ჯანმრთელობასთან და სიცოცხლესთან დაკავშირებულ რისკებს, რაც ასევე გარდა უსაფრთხოებისა დამატებითი რეპუტაციული აქტივია თქვენი ორგანიზაციისთვის!

პირველადი დახმარების ტრენინგი სპეციალური ფორმატით ტარდება კვალიფიციური, სამედიცინო განათლებისა და შესაბამისი გამოცდილების მქონე ინსტრუქტორებისგან. ტრენინგ-სესიები ითვალისწინებს ინეტენსიურ პრაქტიკულ მომზადებას თანამედროვე სტანდარტების აღჭურვილობით. ტრენინგი შესაძლებელია ჩატარდეს როგორც აკადემიის სასწავლო ბაზაზე, ისე დამკვეთი ორგანიზაციის სამუშაო ადგილზე. ტრენინგის წარმატების გავლის შემდეგ მონაწილეები მიიღებენ CASE Golden Seal სერთიფიკაციას.