ბანდის მეთაური რომელმაც ჰაიტის ხელისუფლება ხელში ჩაიგდო პოლიტიკოსებს ემუქრება

"მე ვიცი რომ თქვენი შვილები თქვენი ცოლები ჰაიტიზე არიან, თუ თქვენი ქმრები ჰაიტიზე... თუ თქვენ აპირებთ ქვეყნის მართვას, მთელი თქვენი ოჯახი აქ უნდა იყოს." - იმუქრება ჯიმი "ბარბიქიუ" შერიზიე, ყველაზე ძლიერი ბანდის ლიდერი ქვეყანაში

47 წლის ჯიმი შერიზიე ყოფილი პოლიციელია, რომელსაც ბრალად მრავალი მასობრივი მკვლელობა ედება ჯერ კიდევ პოლიციელად მუშაობისას, როგორიცაა 2018 წლის ლა სალინის ხოცვა-ჟლეტა, რომელსაც 71 პირი ემსხვერპლა.

პოლიციიდან დათხოვნის შემდეგ, შერიზიემ 2020 წელს დაარსა ბანდა, რომელსაც "G9-ის ოჯახი და მოკავშირეები" უწოდა, რის შემდეგაც ისინი ჩაერთვნენ ბანდებსშორის სასტიკ ომებში ძალაუფლებისთვის, სანამ მთავრობაზე გადავიდოდნენ.

მძიმედ შეიარაღებულმა ბანდებმა განამტკიცეს თავიანთი ძალა დედაქალაქში და კარიბის ზღვის ქვეყანა ცდილობს გამოსავლის პოვნას რთული პოლიტიკური და სოციალური კრიზისისთვის, რომელმაც ათასობით ადამიანი აიძულა უსახლკარო დატოვა.

მას შემდეგ რაც ჰაიტის პრემიერ-მინისტრი გადადგა და ყოველი არჩეული პოლიტიკოსი იძულებული გახდა ქვეყანა ბანდების საომარი მოქმედებების გამო დაეტოვებინა, ჰაიტიში 95 სხვადასხვა ბანდა ებრძვის ხელისუფლებასა და ერთმანეთს ძალაუფლებისთვის. ძალადობის ფონზე ასევე ვრცელდება ცნობები კანიბალიზმზე, რომელიც ჯერჯერობით ოფიციალურად დადასტურებული არ არის.