საქართველოში დაიწყო და უკვე საკმაოდ დიდი პოპულარობით სარგებლობს ახალი კიბერ თაღლითური კამპანია. კრიმინალების სქემა დიდად არ განსხვავდება მისი წინამორბედებისგან, ის ბოროტად იყენებს მასშტაბურუი კომპანიის სახელს და მოსახლეობის ნდობას მის მიმართ. ამჯერად ორგანიზებული კრიმინალური სქემა Energo Pro-ს სახელს იყენებს, ამასთანავე კამპანიის სარეკლამო რგოლში ვხვდებით ისეთ ფიგურებს როგორიცაა საქართველოს პრეზიდენტი სალომე ზურაბიშვილი.
ყველაზე მარტივი ინდიკატორი რის მიხედვითაც შეიძლება განასხვაოთ თაღლითური კამპანია რეალურისაგან არის ე.წ. მარტივი ფულის დაპირება, რომელიც ძალიან მიმზიდველია საზოგადოების დიდი ნაწილისთვის, და ამ ცდუნების შედეგად ადამიანიები რომლებიც სიღრმისეულად არ ინტერესდებიან კამპანიის სქემით, ხდებიან თაღლითობის მსხვეპლი და კარგავენ დიდ ფინანსურ რესურსებს.
"ამგვარი კამპანიები დიდი ზიანის მომტანია როგორც საქართველოს მოქალაქეებისთვის, ისე ზოგადად ქვეყნისთვის და მისი რეპუტაციისთვის მსოფლიო ბაზარზე, მით უმეტეს, რომ საქართველო ნელ-ნელა ხდება ერთგვარი ჰაბი მსოფლიო მასშტაბის კიბერ თაღლითობების დასაგეგმად და განსახორციელებლად."
ოთარ ხუციშვილი / CASE CTO
CASE მოუწოდებს მოქალაქეებს სიფრთხილე გამოიჩინონ და ყველა ახალ შეტყობინებას, კამპანიასა თუ პოსტსგანსაკუთრებული ყურადღებით მოეკიდონ.