კონტრდაზვერვის ინსტრუმენტებს, რომლებიც გამოიყენება ჯაშუშების მონიტორინგისა და მათ გამოსავლენად, ხშირად უწოდებენ დეტექტორებს. ერთ-ერთი მაგალითია "ფოტოსნაიპერი" - 35 მილიმეტრიანი სამეთვალყურეო კამერა, რომელიც მაღალხარისხიან სურათებს ფართო დისტანციაზე იღებდა. ეს ინსტრუმენტი აქტიურ გამოყენებაში იყო KGB-ს მეორე (კონტრდაზვერვის) განყოფილების და საზღვრის მცველების მიერ. ფოტოსნაიპერი შედგებოდა შეცვლილი Zenit E-ის ტიპის კამერისგან და 300-მმ ტელეფოტო ლინზისგან, რომელიც დამონტაჟებულია მოწყობილობაზე პისტოლეტის სახელურით. სრულად აწყობისას ის ავტომატურ შაშხანას ჰგავს; უკანა ბოლოში ფოტოსნაიპერს გააჩნია კონდახი, რომელიც საშუალებას აძლევს ოპერატორს მყარად დაიფიქსიროს მხარზე, რაც იძლევა სტაბილურ კადრებს შტატივებისა და დამატებითი სადგამების გამოყენების გარეშე.
გამოიყენობოდა მაშინ, როდესაც ობიექტთან მიახლოება პრობლემას წარმოადგენდა ან ისეთ ოპერატიულ ვითარებაში, სადაც სხვა ტიპის გადამღებები ყურადღებას მიიქცევდა. არსებობდა ისეთი მოდიფიკაციები, რომლებიც რეალური იარაღის კორპუსშიც იყო ინტეგრირებული.
KGB-ში ფოტო გადაღება ცალკე ისწავლებოდა და მეცნიერების დონეზე იყო აყვანილი ოპერატიულ მუშაკებში ამ უნარის განვითარება, რადგან სწორედ მოპოვებულ ფოტო-მასალასა და კომპრომატებზე იდგა ადამიანური დაზვერვის მიმართულება.
საინტერესოა, რომ თავად კომპანია ზენიტმა, რომლის კამერებსაც იყენებდნენ ამ მოდიფიკაციით არაფერი იცოდა.
რომ შევადაროთ სხვადასხვა სპეც. ტექნიკა საბჭოთა კავშირსა და აშშ-ს შორის, მთავარი განსხვავება ერთგვარი საინჟინრო პარტიზანული მიდგომა იყო. საბჭოელებისთვის მთავარი გამძლეობა, სიმარტივე და შენიღბვა იყო, ხოლო მაგალითად ცენტრალური სადაზვერვო სააგენტოს საინჟინრო მიდგომა მოწყობილობების მაქსიმალურად მიანიატურიზაციისკენ იყო მიმართული.