დაზვერვის სამსახურები დიდი ხანია იყენებდნენ ცხოველებს აგენტების მუშაობის მხარდასაჭერად და ზოგჯერ ჩანაცვლებისთვისაც კი. ცხოველი შეიძლება იყოს იდეალური „ჯაშუში“, რადგან ის იშვიათად იჩენს ეჭვს მცველებში, მარტივად ერევა ბუნებრივ გარემოს და შეუძლია გადაკვეთოს საზღვრები, შევიდეს ადამიანებისთვის ფიზიკურად შეუღწეველ ადგილებში. რეალური და რობოტიზირებული ცხოველები დღემდე გამოიყენება ვიზუალური და აუდიო მეთვალყურეობისთვის როგორც ომის, ასევე მშვიდობის დროს. ზოგიერთ ცხოველს აქვს ჯაშუშობის სანდოობის დადასტურებული გამოცდილება; სხვებს კი ცოტა მეტი შრომა სჭირდებათ...
აკუსტიკური ფისო
1961 წელს CIA-მ კატა გახადა „მობილურ აკუსტიკურ შემგროვებელ პლატფორმად” (MACP) მის ყურში მიკროფონის მიმაგრებით, მავთულის ანტენის გაკვრით მის ბეწვით დაფარულ ზურგზე და გადამცემის იმპლანტაციით, რომელსაც მის კანქვეშ დამაგრებული ბატარეა ამუშავებდა. ის განკუთვნილი იყო ერთ-ერთი აზიური სახელმწიფოს მაღალჩინოსანთან შეგზავნა, რომელიც შეხვედრებზე კატებს მასთან უშვებდა. ლაბორატორიის კონტროლირებად გარემოში კატას შეეძლო ესწავლებინა სად წასულიყო, მაგრამ ლაბორატორიის გარეთ არ შეეძლო, ამიტომ იდეა იდეად დარჩა.
ვირთხა მიკი
1990-იან წლებში პორტუგალიაში მყოფი საბჭოთა პირის ბინაში დაყენებული მოსასმენი აპარატურის დასაყენებლად ბრიტანელებმა სპეციალურად გაწვრთნილი ვირთხა გამოიყენეს, რომელმაც სათევზაო ანკესით ობიექტის ბინის საკანალიზაციო მილში შეაღწია.
ინსეკტოკოპერი
იმ იმედით რომ ერთ დღეს შეძლებდნენ „მინიატურული საჰაერო დაზვერვის პლატფორმის“ შექმნას, CIA-მ პირველი რობოტი მწერი გამოსცადა. მიუხედავად იმისა, რომ არ არსებობდა სათვალთვალო მოწყობილობა საკმარისად პატარა, რითაც ინსეკტოკოპერი აღიჭურვებოდა; იმ დროს ის ასევე ძალიან პატარა იყო დისტანციური მართვისთვის. ახლა, თანამედროვე ტექნოლოგიების პირობებში უფრო ცხადია, რომ არსებობს მსგავსი მოწყობილობები, რომლებიც სრულად კონტროლირებადია, შეუძლიათ განახორციელონ მეთვალყურეობა და კიდევ უფრო მცირე ზომის არიან; ეს მოსაზრებები კი CIA-ს მიერ ახლო წარსულში არაერთხელ იქნა დადასტურებული.