CASE-მა IT განათლების საუკეთესო პროვაიდერის ჯილდო მიიღო

ავტორი:
კატეგორია:
განთავსებულია:
17 ნოე 2020

უსაფრთხოების ექსპერტთა კავკასიის აკადემია იუსტიციის სამინისტროს მონაცემთა გაცვლის სააგენტოსა და ICT ბიზნეს საბჭოს მიერ ორგანიზებულ ღონისძიებაზე დაჯილჯდოვდა ნომინაციაში: IT განათლების საუკეთესო პროვაიდერი
სასტუმრო „ჰოთელს & პრეფერენს ჰუალინგ თბილისში“ რიგით მერვე ყოველწლიური კონფერენცია კიბერ უსაფრთხოებისა და ინფორმაციული ტექნოლოგიების ინოვაციების შესახებ- GITI 2015 ჩატარდა.
კონფერენცია იუსტიციის სამინისტროს მმართველობის სფეროში შემავალი საჯარო სამართლის იურიდიული პირის – მონაცემთა გაცვლის სააგენტოსა და ICT ბიზნეს საბჭოს ორგანიზებით 19-20 ნოემბერს გაიმართა, რომლის მთავარი საკითხი კიბერ უსაფრთხოება და ინფორმაციული ტექნოლოგიების განვითარების მიმართულებები იყო.
GITI ტრადიციულად წლის საუკეთესო IT პროექტების დაჯილდოების ცერემონიით დასრულდა. წელს 15 ნომინაციაში წარდგენილი იყო, როგორც საჯარო ისე კერძო სექტორის 50-მდე IT პროექტი.

„აკადემია უკვე არაერთი წელია ამზადებს კიბერ უსაფრთხოების პროფესიონალებს ქვეყნის სახელმწიფო და კერძო სექტორისთვის. ჩვენ პირველებმა შევიმუშავეთ და განვახორციელეთ კიბერ უსაფრთხოების ტრენინგი საქართველოში და ასევე შევქმენით პირველი სახელმძღვანელო. ამგვარი ინოვაციები შეუძლებელია ძლიერი გუნდისა და სათანადო მოტივაციის გარეშე. ეს ჯილდო ჩვენთვის დიდი პასუხისმგებლობაა ვუპასუხოთ იმ მოლოდინებს, რომლებიც აკადემიის მიმართ არსებობს. და საუკეთესო მოტივაცია მომავალში კიდევ მრავალი პროექტის განხორციელებისთვის კიბერ უსაფრთხოების სფეროში.“

ლაშა პატარაია
აკადემიის დირექტორი

აკადემია მადლობას უხდის GITI 2015-ის ორგანიზატორებს გაწეული სამუშაოსთვის. ასევე ყველა მონაწილესა და მხარდამჭერს, რომელთა დამსახურებითაც ეს ღონისძიება ერთ-ერთ საუკეთესო ტრადიციად იქცა ამ სფეროში. აკადემია იმედოვნებს, რომ GITI კიდევ მრავალი წელი იქნება IT სპეციალისტების, კომპანიებისა და სახელმწიფო ორგანიზაციების შემაკავაშირებელი ღონისძიება, რომელიც საფუძველს ჩაუყრის მრავალ ინოვაციას. აღნიშნული ღონისძიების წყალობით საქართველოს აქვს უნიკალური შესაძლებლობა იყოს რეგიონის ცენტრი IT ინოვაციებისა და კიბერ უსაფრთხოების სფეროში და საერთაშორისო ასპარეზზე წარმოაჩინოს ჩვენი ქვეყნის ტექნოლოგიური მიღწევები.

Caucasus Academy of Security Experts

უსაფრთხოების ექსპერტთა კავკასიის აკადემია

©2020 ყველა უფლება დაცულია!